O NOVO PLAN RENOVE DE ECONOMÍA E INDUSTRIA PREVÉ A SUBSTITUCIÓN DE FIESTRAS EN MÁIS DE 2.500 VIVENDAS PARA FAVORECER O AFORRO ENERXÉTICO

05/01/2012

 

  • Con esta iniciativa, que aumenta o seu orzamento nun 35% con respecto á edición anterior, evitarase a emisión de 500 toneladas de CO2 á atmosfera.
  • As axudas, que poden chegar ao 25% do custo total da obra e permitirán a mobilización de investimentos de ata once millóns de euros, serán de ata 3.000 euros por vivenda ou 50.000 euros por edificio.
  • A solicitude de axudas poderase realizar ata a o 29 de marzo ou ata que se rematen os fondo. A Consellería de Economía e Industria, a través do Instituto Enerxético de Galicia (Inega), pon en marcha unha nova edición do Pan Renove de Fiestras, ao que destina 2,5 millóns de euros, un 35% máis que o ano pasado. Grazas a este plan, co que se promove o aforro e a eficiencia enerxética nas vivendas e os edificios, prevese a substitución de fiestras en máis de 2.500 vivendas, o que supón unha mobilización de investimentos estimada de preto de once millóns de euros.

 

Así o anunciou esta mañá en rolda de prensa o director do Instituto Enerxético de Galicia, Eliseo Diéguez, quen explicou que "a través desta medida, integrada na aposta estratéxica da Xunta de Galicia pola potenciación do aforro e da eficiencia enerxética en todos os sectores económicos, a Consellería de Economía e Industria segue apoiando o aforro enerxético nos fogares galegos, cun aforro de enerxía primaria estimado en 2.488 MWh, o que supón evitar a emisión de 500 toneladas de CO2 á atmosfera".

A contía das axudas do Plan Renove de Fiestras poderá chegar ata os 3.000 euros por piso ou vivenda unifamiliar e ata 50.000 euros por edificio, tanto de vivendas como do sector servizos, podendo alcanzar a axuda ata o 25% do custo total da obra.

A solicitude de axudas abrirase aos 25 días hábiles da data de publicación no DOG, prevista para o 12 de decembro, e poderase realizar ata o 29 de marzo ou ata a data de finalización anticipada do Plan por remate de fondos.

O Plan Renove de Fiestras 2011 de Economía e Industria incardínase na estratexia de aforro e eficiencia enerxética para o exercicio en curso, polo que se levan investidos nesta lexislatura 58,1 millóns de euros, que xeran a mobilización de investimentos por valor de 167,6 millóns e un aforro económico de 89,6 millóns de euros.

 

Actuacións subvencionables

O Plan Renove de Fiestras subvenciona a substitución de novas fiestras que formen parte da envolvente térmica do edificio, por outras de igual ou inferior tamaño, sempre e cando cumpran determinadas esixencias de eficiencia enerxética e dispoñan de marcado CE, entre outros requisitos. Serán igualmente subvencionables a colocación dunha nova fiestra paralela á existente (dobre fiestra), e a renovación de portas que separen estancias calefactadas do exterior, sempre e cando cumpran coas especificacións técnicas deste artigo e teñan marco por todo o perímetro.

 

 

Beneficiarios

Poderán ser beneficiarios das subvención as persoas físicas e xurídicas de dereito público ou privado, propietarios ou titulares de calquera dereito sobre inmobles do sector residencial e terciario, comunidades ou mancomunidades de veciños, sempre que a actuación subvencionable se realice en edificacións da súa titularidade situados en Galicia. Para poder ser beneficiario da axuda deberase tramitar a súa solicitude a través dalgunha das entidades colaboradoras adheridas ao Plan.

 







« Volver



Reymarplast SL

Campo Santo, 4 Baixo. 15680 Ordes. A Coruña

Telf/Fax: +34 981 682 411

info@reymarplast.es